Ron-kena sy ravimbaotavo

Hen’omby misy taolana
Trafon-kena
Ravimbaotavo
Ravimbomanga
Voatabia
Sira

1 – tetehina madinika ny hena ary alefa ao anaty vilany, avela ho ritra sy mendimendy ao
2 – arotsahy ao anaty hena mendy ny voatabia
3 – atao difo-drano ary arotsaka ny rabimboatavo sy ny ravimbomanga efa voakira, voantango sy voatetika- asio sira
4 – angarano in-2 na in-3 mba ho potika ny anana ka ampatsiro azy
5 – rehefa masaka dia arosoy hatao laoka
(Manasa antsika rehetra e……….)

Marihina fa :
- ny tena maha tsara azy dia atao dibadrano laotra fa ny tsara aza dia hatao somary ketsaketsa
- azo asiana tsaramaso tanora koa na sosety andrahoina miaraka aminy
- ho hanina miaraka @ vary maina no tena mahatsara azy

...... andramo ange indrindra izao andro mangatsiaka izao ary mangala sakay tsy lany dimy lahy !!!!!! Ohay e!!!!!!!!
------------------------------------------------------------------------------

Diso fantatrao laotra fa " NY RAVIMBOATAVO" :
Izy dia anana somary saro-devonina ihany. Araka izany dia mety hampivalana izy io, indrindra raha tsy voatsako tsara.
Tsy tsara raha haninin’ny olona marary kibo izy io. Tsy tsara ho an’yny vehivavy mampinono ihany koa. Mahatsemboka sy mahabe ny fivalanan-drano izy io. Tadidio fa tsy maintsy kiraina tsara mialohan’ny handroana azy.

Andriamanitra mampianatra anao mba hahitanao soa, mitarika anao amin’ny lalana tokony halehanao.

Ny faha 21 marsa ho avy izao no hankalazana ny taom-baovaon’ny Malagasy. Io no tena andro voalohany @ volana voalohany malagasy. Tsy notondrotondroina faona anefa io fa hita @ Astronomia sy Siantifika. Hafa kely ity tsinana 2004 ity satria hiara hiditra ao @ Antokom-bintana Alamahady (eo @ 0°) ny volana sy masoandro ny 21 mars @ 1 ora maraina sy 42 minitra. Tsy fahita firy izany toen-javatra izany satria matetika isan-taona dia efa tafiditra mialoha ao @ Alamahady ny masoandro voa miditra ny volana ka ny tsinana alamahady ankalazaina dia ny fidiran’ny volana ao @ s.

Ny mampiavaka ity taom-baovao ity dia inefatra ihany no ahitana izany eo anelanelan’ny taona 1900 ka hatra@ taona 2050 : 21 marsa 1909 – 21 mars 1928 – 21 marsa 2004 21 marsa 2023. miverina indroa ny volana ao @ Alamahady alohan’ny ialan’ny masoandro ao @ antokom-bintana Alamahady ka manjary tsinana indroa ny alamahady ao @ taona iray.

Ny ketraka mora mivarina, miroraka, tonga kanosa ! Ny potraza nefa tafarina, Irene ka “olona” kosa ! (Ny Avana Ramanantoanina)

Imerina akanga tsy roa volo fa iray ihany

Ireto avy ny morontsiraka tsara tarehy indrindra eto Madagasikara :

AMBATOLOAKA : an’i Nosy Be no misy azy io – toeram-pitsangantsanganana tena be mpankafia – Ny trano fandraisambahiny dia tena mahafinaritra tokoa ary misy isafidianana

ANAKAO : 30 km miala avy eo tànana ny Toliara no misy azy ary mbola mandeha botry voa tonga any. Ny lokony ny ranomasina dia tokana aman-tany. Toeram-pitsangantsanganana fanaova “surf” sy “planche à voile”

ANDILANA : any faritra Nosy be ihany koa – toerana tena mahafinaritra – fotsy madio ny tora-pasika. Ifandrobahany vahiny – tsara ny manao famandriana aloha @ trano ipetrahana.

ANTSIRAKAKIKY : Izany tora-pasika izany no mampiavaka azy @ Nosy Boraha any, avaratra atsinanan’i Toamasina. Lavitra ihany io toerana io. Ny jono andranomasina sy ny “plongée sous-marine” no tena mampalaza azy io. Toeram-pitsangantsanganana mbola tsy be mpitsika io toerana io ary miavaka indrindra @ karazan-javamaniry mampihaingo ny morona.

Sationany ihany ireo fa betsaka ny morotsiraka tena mahafinaritra eto amintsika ary miandry an-tsika na an’i Andrefana na Atsinana, na Atsimo na Avaratra

NY FANDEVENANA : Samy manana ny azy isaky ny foko sy ny fiavin’ny maty. Any Androy ohatra dia mandritra ny volana maro no ankalazana ny nahafatesan’ny olona iray, ka vola tsy toko tsy forohina no ampiasaina @ izany indrindra fa ny harena sy ny biby fiompin’ilay maty.

Dia inona indray ary ny vaovaon’i Dago @ izao Taona vaovao izo indray ?

- Somary manjakazaka ny jiolahy @ izao fotoana ary betsaka mihitsy ny fanafihana indrindra fa ny trano ka mikaikaika ny vahaoka @ fandriampalemana

- Miakatra hatrany ihany ny vidim-piainana eto gasikara, eny lasa tsy fiteny intsony ilay hoe : volan’anana, satria na ny anana aza dia efa tena lafo @ izao fotoana izao mihoatra @ fahefam-bidy ny be sy ny maro

- Araka ny fijerin’ny ireo mpandeha dia mahafapo kokoa ny miaradia @ ny fiara manidin’ny “Malagasy” mihoatran’ireo mpitantatitra an’abakabaka sasany

- Efa nivaoka daholo ireo vola vaovao Ariary

- Mbola tena sarotra ho an’ny sarababebahaoka malagasy ny miampita eny @ faritra voatokana @ izany eny @ lalambe, efa ela laotra mantsy no tsy nampiasana anazy ireny, ka na ankehitrio aza dia samy manapaka eny @ izay tiany hanampahana eny an-dàlana eny ka tsy mahagaga raha toa koa betsaka ny loza aterikin’ny famovohizana. Ny olona koa moa dia efa tsy zatra mandeha @ sisin-dalana fa dia eny @ arabe fotsiny izo ka ny fiara indray no tena miafiafy.

TSIARO FAONA

Ora mamy toy ny ora mamy rehetra
Nanome hery ilay fo manjoretra
Teo anjorony atsinanana tanin’ny Pretra
Ny safosafo nisy, ny tsongotsongo etsetra
Izany rehetra izany dia elaela ihany
An-kevitra mihitsy ho in-droa mahamasa-bary
Segondra mamy laotra tsy afaka ao an-tsaiko
Ny hitantara azy aza, indrisy toa tsy aiko
Fa nihodina ny tany, nahodinny ny vatako
Avo ny lanitra ka indrisy tsy ,o takatro
Fotoana nianohoko ny orokoro-mamy
Tsy hadinoko iny raha tany koa ny tany
(Mpakafy)

Vavy : Dina – Diamondra - Domoina
Lahy : : Doda – Dida – Dona - Dama
Vavy sy lahy : Diary – Dera - Dinitra

MANAO FIARON’AMBOALAHY ANTITRA : sady efa antitra izy no sorena fa tsy dia afaka manarampo mitady hanina, ka na dia taolana tsy laitrany intsony aza, dia tsy homeny velively ho an’ny sasany. Ny manao toy izany dia tsy manam-piheverana afa-tsy ny an’ny tenany.