Voanjo voavofy : ½ kapoaka
Voatabia salasalany : 3
Tongolo gasy : 2
Dipaovatra
Sira vovony

1 - Totohina tsara ny voanjo mba ho lasa vovoka
3 - Sasana ary totohina tsara koa ny voatabia
2 - Voasana ary totohina toy izany koa ny togonlo gasy
4 - Afangaro tsara daholo ireo ary asiana dipaovra sy sira araka izay hitiavana azy

Marihina fa :
- ny tena tsara dia raha manana irony fitotona "Mixeur"
- Ho hanina miaraka @ vary izy io, ary ny laoka hatao akoho na hena omby ritra na kotileta nendasina na vorona

...... Andramo kely ange e!!!!!!

Diso fantatrao laotra fa "ny tongolo gasy na tongololay " :

- Manome fofota ny sakafo
- Azo afangarona @ sakafo rehetra na masaka na manta ary azo anovana lasaosy
- Manadio Tsinay
- Mandio ny avokavoka
- Manatsara ny taolana mangotsoka anaty
- Mahatsara ny fikorinan'ny rà, mamono sy mampadefa kankana

Any ianareo mianakavy any ampita lavitra tsy tazana,
izay nifindra monina ela nahafoy ny tanindrazana,
manao ahoana ihany ho'aho, inona ny vaovao ?
fa izahay rehetra aty salama tsara hatrizao.

Efa firy izay ny ankizy tsy mba malala havana ?
Ary aokoatra izany indray, mety ve ny fitadiavana ?
Eny iky ho'aho, ela izay no tsy nihaonana
ianareo tokoa no hoe vao tsy maty dia isaonana

Aoka re hijanona eo… fa iny misy ravintoto,
patsa kely sy kitoza ho anareo sy ry Batoto
fantatray ny kibo gasy sy ny hanina mba tiany
saingy i Balita no marka laotra sady tampoka ny diany
ka tsy hita izay hatao fa dia iny aloha no misy
aoriana indray mandefa voanjo-bory sy saosisy
koa dia hano an-kafaliana, hitondra hery, fahasoavana
fa ny malagasy aty tsy mba manadino havana.

Veloma finaritra
Hoy ireo Havana rehetra aty Gasikara tsy manadino

Vizana ny tongotrao : Alonay @ rano mafana 35 na 36° misy sira vaingany in-2 ny tanana mandritry ny 10 minitrany tongotrao - fafao ary horona @ ranom-baosy makirana ny tapo-tongotra ¡

Mivonto ny hafanana ny tananao : alonay ao anaty rano mangatsiaka be mandritry ny 2 na 3 mn - fafao tsara - avy e odia hietsiketsehana toy ny manao mandihiza rahitsikitsika mandritry 2 na 3 koa - averina matetitetika ny fandihizana

Babamino hono no Ombiasy voahalohany teto an-tany. Nampidin'Andriamanitra teto an-tany izy niaraka t@ fahaizana tonga lafatra mba hitsabo izay olombelona marary. Ary izay narary rehetra tokoa, dia nanatona an'I Babamino. Dia nisy kosa izany hazo natao hoe Iabokavatse izany, nampanirin'Andriamanitra teo akaikiny ary io no nitsaboiny ny olombelona. Nahazo fahasoavana t@ Babamino ny olombelona, koa indray andro, dia nasandratry ny olombelona ho Andriamanitra I Babamino ary koa nanaiky izany koa izy. Alakamisy io andro io. Tezitra I Andriamanitra nahita izany, ka nidina taty an-tany izy hitsara an'I Babamino : nesoriny t@ ny fahaizany mitsabo indrindra ny fahaizany mamelona ny maty, ary raha misy fahafatesana, hono, eto-an-tany dia noho ny hadalàn'I Babamino nanaiky natao'ny olombelona ho Andriamanitra. Nanomboka t@ izay ihany koa dia nanjary fady ny andro Alakamisy : tsy azo iàsana (amadiham-bainga, ambolembary), tsy azo amoaham-bola, tsy azo andevenana ny maty… dia izay no naha-fady ny andro ALAKAMISY @ SAKALAVA

- Araka ny efa rehan-tsika dia efa nivaoka ny vola vaovao taratasy, somary sahirana ihany Ramalagasy mampiasa ireo vola ireo satria toa somary mitovitovy loko avoko izy ireo ary ny habehany koa torak'izany - ankoatr'io na dia efa fampiasa ary ny ARIARY dia mbola tsy tena mety zatra izany - soa ihany aloha fa mbola hita ery anjorony ery ilay @ soratra kely ny hoe : 50.000 F, 25.000 F......

- Efa niditra nianatra ny sekoly indrindra ny madinika sy salatsalaly - noho izany dia nizara maimaipaona fitaovana ny Filom-pirenana toy ny kitapo miaraka @ kojakoja madinika, penina, fandokona..... ho an'ireo ankizy ao @ ambaratonga voalohany ka erany Madagasika izany ho an'ny ankizy mianatra na ny miankina na ny tsy miankina @ fanjakana

- Misy @ izao fotoana ny fifidianana tovovavy tsara tarehy sy bika eto Madagasikara - Efa manomboka ny fanitsanana ary hita @ fahita lavitra izany isaky ny hariva @ 6 ora hariva, fa dia maha variana tokoa, ampisehona eo daholo na fahaizana miteny vahiny, ny mandalana momba ny koltoraly….

- Araky ny fangatahiny ny be sy ny maro dia tapaka fa ny fiara mpitatr'olona dia miasa manomboka @ 4 ora maraina ka hatra@ 9 ora alina

- Nivaoka ny "Roman Photo" na ny boky an-tsary malagasy ary "Malala" no lohan-teny ho entiny

- Resa-dehibe eto gasikara ity lalana vaovao fahazoan'ny vahiny mpandrahara mividy tany ity : ary tsy mitovy evitra daholo ny rehetra ka izao ny fanazavana fohifhy sy fepetra nomeny fitondrana momban'io :
Ferana tsy hihaotra ny 3 HA ny velaran-tany azo vidiana ny vahiny - 500 tapitrisa dolara fara fahakeliny ny vola hampiasaina @ izay orinasa hatsangana ; ny sehatr'asa zahan-tany, banky ary varotra ihany no azo hirotsahana ; tsy azo hatao ny mivarotra tany misahana ny fambolena sy ny fiompiana ; ferana ho 2 taona no fahazoan'ny vahiny manangana orinasa @ tany novidiny, raha tsy afa-miasa na tsy miterabokatra ao anatin'io fe-potoana io ilay orinasa dia miverina tanteraka @ fanjakana ny tany sy izay rehetra nantsangan'ilay vahiny. Ny filan-kevitry ny Ministra na ny Governemanta no manapa-kevitra @ hahazoan'ny vahiny iray mividy tany rehefa nahazoana fanadihadiana mialoha @ ambaratongam-pahefana rehetra manomboka any @ kaominina. Ankoatr'ireo, mbola mitoetra koa ny lalàna @ fahazoan'ny vahiny manofa tanàna izay noferana ho 99 taona, azo havaozina, ny ela indrindra @ izany.

- Ny hira nalaza t@ ity fakan-drivotra ity dia : Rendez-vous (Dondolah sy Tahiry) - Aza homena tsiny (Njakatiana) ary Ry loloko ô (Clim) izay efa diso fantatra laotra !

Niresaka ireto zazakely anan-kiroa voa teraka.
- Hono hoa ianao ve vehivavy sa lehilahy
- Izao tsy mahafantra an'izany.
- Izany dia tsy ainy anefa izao vehivavy !
- Fa ahoana no hafantaranao an'izany ?
- Ingao ange ny lambakelinao io e, dia lazaiko aminao na lehilahy ianao na vehivavy !...Hoay e ! kay izy lehilahy !
- Fa ahoana no hafantaranao izany ?
- Ka ny anao mangamanga ny ba tongotra nampanaovin'I Neninareo anao fa ny ana mavokely, izany dia tsy ainy akory.

Tany amin'ny alim-pandihizana no niseho nitantara. Rehefa milanona moa dia samy mba miseho mahay zavatra daholo ary sodoka amin'izay mahavariana azy, ao ny hoe miseho mahay polítika, ny mandihy, ny mihira sns….
Nanatona moramora an'ity tanora vavy iray i Lita ary naka azy nandihy no nandamidamina resaka ery :
- Mahavariana hoa fa rehefa misotro "Champagne" dia tsara tarehy ny vehivavy é !
Nidoboka ny fon'ity Rakalakely sady somary nitolilalila t@ Lita no niangotigoty fiteny ery :
- Hayyyyy izao ange tsy misotro an'izany fa ianao ity koa mba ty mandokadoka !
- Tena marina ve izany fa tsy misotro ianao ? Izaho mihitsy no tena voa izany é ! Efa iny-7 ny vera ao izao no napakatra ka manjary miova mba ny fijeriko marina a !!!!

Sahinao ny nandao
Ty akany ry olon'iny
Sahinao ny mandà
Sy nitsipaka ny dina
Sahinao ny ninia
Nanadino ny fahiny
Sahinao ny nanadino
Ty foko mbola tia

Tsofin-drano anefa ianao
Fa sitrakao ny nandao
Ny hiantso tody sanatria
Ho adinoiko 'lay fitia
Nolavinao ny hiara-dia
Hiray safidy ka hifangia
Koa veloma ry olon'iny
Masina tsy misy tsiny

(ABEL RATSIMBA)