MATSIRO : Trondro endasina

1 - Kikiso ary diovy ny trondro
3 - Amaino tsara @ voron-damba madio
2 - Alefaso ao anaty lafarinina mifangaro sira sy dipoavra
4 - Afanao ny menaka ary ataovy mendimendy tsara

Marihina fa :
- azo rarahina tongolo raviny sy kotomila voatetika eo ambony rehefa aroso na koa miaraka @ lasaosy
- Ampiarana @ vary ny tena maha tsara azy ary asio kely ròan'anamala angé ho hitanao é !!!

......Inona ny masaka é????
Diso fantatrao laotra fa "Ny tongolo raviny"
- Be hotrikaina, indrindra ny vitamina C
- Mba hahazoana ny vitamina ao @ dia ampiasaina tsy andrahoina, miaraka @ sakafo hany mantaa, na salady, atody, lasaosy....

RAITRA NY ANARANA MALAGASY !!

Lahy : Lahy : Faly - Baliaka
Vavy : Ravo - Sariaka - Mirana
Lahy/vavy : Finaritra - Tsiky

TSIKY

Inona ary avy ny laoka misy ao Madama a ?
- Hena kisoa ritra, hena omby ritra, akoho saosy ary laiso sy hena kisoa.
- Ary io @ io vilany iray io ?
- Lany 'ty kah !
- Izay "lentille"izay no tiako, ry Madama, "lentille" sy inona ?
- Tsy "lentille", fa LANY ITY ho aho
- Hay vé ?
- Halazako an'I Dada tsara I Neny fa nanao bà t@ iny lehilaly iny !
- Hoaka re ry Bema fa namako fotsiny iny fa iny 5.000 FMG hamidinao "Goûter" dia aza miresaka an'I dada an'izany izany zanako izany an !
Ny ampitson'iny indray
- Halazako an'I Neny tsara izao I Dada fa nanao bà an'I vehivavy iny !
- Ialahy koa leitsy ry Bema, zavatra namako fotsiny iny. Iny 2.500 FMG hividian'ialahy "goûter" dia aza miresaka an'izany @ drenin'ialahy !
- Ity fotsiny ve ry dada ?
- Fa inona indray no tadiavin'ialahy efa vola be ange iny ?
- Koa I Neny rehefa miteny hoe :"aza miteniteny an'i dada hoe nanao ba an'iny lehilahy iny izy",dia manome 5000 FMG fa ny an'i Dada 2.500 FMG fotsiny.
- Re razaka ô ! Ahoana tsara hoe leity ry Bema a !......

INONA ARY IZANY ?

Mana-maso, manam-bava, manan-tanana, fa tsy manam-bozona

Valiny : FOZA

RAFETO ARY ALAMINO NY TENY MIPARITAKA DIA HAHAZAHOANA OHABOLANA

GOVI ERA MAHA NY MAN TA PANY TOY TRA TOKY ALEO IZAY

Valiny :
Aleo mahatoky tapany, tsy izay mangovitra erany

FISAVASAVANA

KATRY :
Ny "katry" dia mitovy hevitra amin'ny hoe : mamo, bila, mandrfy lalana, tafiditra, gatry.... Tsy teny vaovao na noforon'ny tanora akory io, araka ny mety ho fiheveran'ny sasany, fa fiovan'ny "gatry" (teny tranainy) Fahita eo amin'ny teny malagasy ny fiovan'ny "g" ho "k" : ganagana/kanakana na gebaka/kebaka, giaka/kiaka

RAMATOA :
Ramatoakely no iantsoan'ny ankamaroa'ny olona vehivavy tsy mbola manambady na mpitovo. Ny hoe "tovovavy" anefa dia efa mahalala izany, ary "Ramatoa" ho mari-panajana na mbola tsy manambady azan y vehivavy. Miaka midina toy ny anaran-dRamatokely, araka ny ohabolana, ny hoe Ramatoakely : ny matoa dia lohany nefa lazaina hoe kely indray, ka toa miharo fanambaniana na fanesoana. Tsy misy mpiteny ny hoe Andriamtoa kely, na mbola mpitovo azan y lehilahy.

IRAY MIELATRA I "Dago"

 

- Efa tonga izao ny fotoana ny fanadinana ka nanomboka ny 16 jona lasa teo ny CEPE
- Voalaza fa hiavaka @ ity taona ity ny fankalazana ny fetin'ny Fahaleovantena @ 26 jona ho avy izao

HERITRERITRA

Tsy misy na dia iray aza sahy milaza, fa ho tompon'izao rehetra izao manerana ny tany, tsy mahafantatra ny iray segondra eo aminy.
Ny finoana no tena fandresena, meteza misaotra an'Andriamanitra ianao fa nekeny ny fangatahinao
(Dadanaivo Randriambelonarisoa)

NY ANY AMINAY

NY DIDIM-POITRA :
Fomba fanao antsika malagasy io - eo @ 20.000 ka hatr@ 125.000 FMG ny manao azy - ny andro ririna sahala @ izao no tena fanaovana azy satria @ izay dia mora sitrana ny fery no koa efa miakatra ny vary ka afaka manao fety tsara ny olona satria manam-bola -
Koa dia arahaba ririna - samy vita é !!!!!

FISAVASAVANA

"TANIN-DRAZANA"
Heverin"ny Ntaolo fa an'ny razana ny tany, mpandova ihany ny taranaka aty aoriana. Etsy andaniny, rehefa maty ny tsirairay voa tompon'ny tany. Izany, angamba, hoy ny fiheveran'ny sasany, ho anisan'ny mampihisatra ny fandrosoana eto amintsika : tsy mihevitra ho tompon-tany ny velona fa mpindrana ihany, hany ka mitana sy manohy ny efa vitan'ny teo aloha fotsiny ; tsy misy fanitarana firy, na fanamboarana.

TARA-PAZAVANA

Andriamanitra dia Fitiavana : koa izay mitoetra ao amin'ny fitiavana dia mitoetra ao amin'Andriamanitra, ary Andriamanitra ao aminy (Jaona I : 4/16)

INONA HONO HOE ?


Raha voa ny gripa ianao dia tsotra ihany - mangala :
- ravim-boasary makirana na tsotra : 4
- ravina papaya 1
- kininim-potsy kely
Teneo ary hangotraka dia dia misotro erany sotro : maraina - antoandro - hariva
Ary azo atao hevoka tsara koa

RITSOKA

 

JEREO IREO AMBANY

Raha toa ianao mitraka hijey ireo ambony
Dia aza manonofy ny hahita fiadanana
Fa ny hetahetanao voa maika tsy hitony
Mijery ny elanelanao sy ireo lazaina ho mpanana

F'andeha ka miondreha, tazano ireo ambany
D'ireo izay tsy mitafy, mahantra fara idiny
Angamba ianao hisento na mety hitomany
Misaina izato lahatra zava-tsy safidiny

Kanefa vetivety dia iny ianao hiaiky
F'ianao dia mbola miaina anatin'ny mazava,
Miohatra amin'ny hafa mazana manjokaiky
Tsy manana harapaka fa mandry fotsy lava

Hitsiry anatinao ny tena fifaliana
Hitsiry anatinao ny tena fiadanana
Raha toa ianao manaiky hitondra fanampiana
Hoentina manarina ireo ory sy tsy manana

Satria ny fiadanana dia azo omena endrika
Ho fanekena tsotra hanondrotra ny ambany
Raha vitanao izany, deraiko ianao fa mendrika
Satria voaorinao ny paradisa an-tany
(Sedera Ravalison)

OHABOLANA

Aza manao fitia paraky, ka hatreo am-bava no miakatra ihany

KALOKALO TAKARIVA

SAMBATRA

Sambatra ianao avy eo
Sambatra aho
Rehefa tafaray izaho sy ianao
Hitondra fitiavana iray vaovao
Natokako irery ho anao
Avo be ka tsy takatro
Ilay kintana omeko anao

Fa todiko foana na dia eny ianao
Hamiratra ho ahy manontolo
Fa ho ahy tiako ho ahy irery ianao
Hiadana sy ho finaritra aho
Hitety izao tontolo izao
Hiaraka aminao
Ho hitan'ny ambany lanitra

(JOY K)

IREO TEO ALOHA 0 - 1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19 - 20 - 21

"En direct de tana"
Ces prix seront mis a jour régulièrement pour nous tenir au courant

Banque centrale (cours moyen pondéré)
1 € = 7 014 FMG

Change banque primaire :
- Achat : 1 € = 6 758.510 FMG
- Vente : 1 € = 7 140.252 FMG

Parallèle :
- Achat : 1 € = 7 060 FMG
- Vente : 1 € = 7 160 FMG

Vary gasy na makoliaka : ±2.500 FMG/kg
Voanjo-bory lena : 750 FMG/kapoaka
Kitozan'amalona : 7.500 FMG/fehezany
Voasary : 2.500 FMG/kg
Papay : 2.500 fmg/iray
Savoka : 750 FMG /iray
Goavy : 3.000 FMG/kg

Ny vokatra amin'izao fotoana izao :

- savoka, papay, voasary isan-karazany ary ny goavy
- sosety - voatavo - voanjobory
- mangahazo, vomanga ary ny saonjo

Marihina moa fa misy daholo ihany koa ireo legioma sy voankazo samihafa ary ny hazan-drano dia somary manahirana kely ihany fa kely ny vokatra miakatra eto Antananarivo

Dia amin'ny manarak'indray é !!!!

Infos du 05.07.2003 --- Merci à N.