Efa namomboka folo minitra ny lalao iray tamin'ny Mondial indray andro, no tonga saina ilay mpitsara afovoany fa adinony ny karatra fanasaziana ny mpilalao. Naatony kely ny lalao ary nampiantsony ireo mpitsara an-jorony anakiroa.

- Loza, ry lehiretsy, fa adinoko any amin'ny vestiaire ny carton jaune sy ny caron rouge. Inona no atao ?

- Tsotra dia tsotra, hoy ny iray : raha raha-te hampiatra ny carton rouge ianao dia tsofy ny kiririoka ary dia asehoy ho hitan'ny rehetra ny lelanao !

- Ary raha te-hampiatra ny carton jaune kosa ianao, hoy ilay mpitsara iray nanohy, dia ny nifinao fotsiny no asehoy ho hita tsara. *

Na izaho, na ianao
Mpifankatia natao hoe mandrakizay
Teo aloha, isika roa
Iray saina, iray koa ny fo
Olon-droa samy manana zo
Ny andraikitra tsy mitovy avokoa
Sendra sampanana mizara ny làlana

Mizorà, aza miandry ahy
Veloma, soava tsarà

Lalànan'ny fiainana izany
Hoy ianao tamiko nitomany
Anjarantsika mamerina izany
Ilay fitiavana mankararirary ahy
Hay fitiavana tsy natao ho ahy

Fa nahoana ? Izaho manontany
Fa nahoana ? Tsy misy namaly

Miankavia, miankavanana
Mitady izay ho namana
Miandry anao

Raimbl'

Fa fitiavako ianao, fifaliako, fahasambarako...
Vahatr'aina, tanjon-tokana, eny tokana ifaharako..
Ametrahako ny androko, ny fo, fanahy sy fisainako
Aminao no miantombola ka miafarana ny fiainako....!

Fa fiatiavako ianao, eritreritro, fanahiko...
Tsy hisaraka amiko eny, na aiza na aiza tany itsahiko !
Tompon'ny safidim-poko, mpanamaka ny momba ahy !
Anjely hiambina ahy hatrany raha izao alaim-panahy !

Fa fitiavako ianao, eny tena fitiavako !
Hira mamiko izany tsy afaka eo am-bavako !
Hira mamiko indrindra, ô hirako hatrany !

Fa fitiavako ianao , e fitiavako madio...
Hoy ny teny fivoadina atolotro anao anio :
Ho fitiavako ianao mandra-podiko ho tany !

Dox